Genta, sot në Tiranë, vjen si një bionde e vërtetë

Këngëtarja Genta Ismajli është një nga personazhet e ftuar të muzikës që do të jetë e pranishme në fotoekspozitën fash ion të fotografit me famë botërore Fadil Berisha e më tej në sfilatën e katër stilisteve shqiptare. Me këtë rast, ajo ka vendosur jo thjesht të vijë të përshëndesë miqtë e saj të artit, por edhe të bëjë një ndryshim në imazhin e saj.

Kështu, Genta Ismajli, e cila pëlqehet nga publiku, jo vetëm për muzikën dhe fizikun e saj, por edhe nga energjia që përcjell nëpërmes këngës, ka ndryshuar ngjyrën e flokëve. Genta, të cilën vazhdimisht jemi mësuar ta shohim si brune, ose më saktë në nuancat e gështenjës ka ndërruar flokët në bionde, duke u shndërruar në biondinë.

Nga kjo foto nuk është se ambientohemi dot me të, por ndoshta nesër nën efektin e veshjes klas dhe make up-it përkatës do të vijë vërtetë rrezëllitëse. Na mbetet të presim dhe ta përgëzojmë këngëtaren për këtë ndryshim të saj.  Koha Jone